- Köhnə - Hadisə
- 13 Sentyabr 2013 11:00
- 2 437
Şəkidə avtoqəza; ölən var
Şəki şəhər-rayon Polis Şöbəsindən (ŞRPŞ) APA-nın Şəki-Zaqatala bürosuna verilən məlumata görə, hadisə Şəki rayonunun Biləcik kəndi ərazisində baş verib. Bakı şəhər sakini, 1968-ci il təvəllüdlü Əhmədov Aqil Abid oğlu idarə etdiyi "Hyundai" markalı 90 HJ 663 dövlət nömrə nişanlı avtomobillə Şəki-Qax yolunda hərəkətdə olarkən yolun kənarındakı piyada Şəki rayonu Biləcik kənd sakini, 1948-ci il təvəllüdlü Hacıyev Aydın Nəzir oğlunu vurub. Qəza nəticəsində müxtəlif dərəcəli bədən xəsarətləri alan piyada Aydın Hacıyev hadisə yerində dünyasını dəyişib.
Faktla bağlı Şəki ŞRPŞ-də cinayət işi başlayıb, araşdırma aparılır.
AzNews.az