Gülağaya Aslanlıya xəbərdarlıq olundu

Müsavat Partiyasının başqan müavini Gülağa Aslanlı məhkəmənin qərarı ilə inzibati tənbeh edilib. Bu barədə APA-ya G. Aslanlının vəkili Fəxrəddin Mehdiyev məlumat verib.

F. Mehdiyev Binəqədi Rayon Məhkəməsində hakim Taleh Kərimovun sədrliyi ilə keçirilən prosesdə G. Aslanlının İnzibati Xətalar Məcəlləsinin 296-cı (xırda xuliqanlıq) maddəsi ilə ittiham olunaraq barəsində inzibati tənbeh seçildiyini bildirib.

G. Aslanlı barəsində iddianı İbrahim Azər oğlu Ələkbərov verib. O, iddiasında bildirib ki, G. Aslanlı onu təhqir edib. İ. Ələkbərov İnzibati Xətalar Məcəlləsinin 296-cı maddəsi ilə təqsirli bilinərək inzibati qaydada 10 sutka müddətinə azadlıq məhrum edilib.

Qeyd edək ki, G. Aslanlı oktyabrın 13-də polis tərəfindən ifadəsi alınaraq sərbəst buraxılıb və bu gün yenidən polis bölməsinə dəvət edilərək oradan məhkəməyə aparılıb.

AzNews.az