Keçmiş məhkumdan xeyli miqdarda narkotik götürüldü

Bakıda keçmiş məhkumdan xeyli miqdarda narkotik vasitələr götürülüb.

Bakı şəhər Baş Polis İdarəsinin mətbuat xidmətindən verilən məlumata görə, Nəsimi Rayon Polis İdarəsi 22-ci Polis Bölməsi əməkdaşlarının keçirdiyi əməliyyat tədbirləri nəticəsində Bakı şəhər sakini Nizami Həsənovdan 570 qram tiryək götürülüb. Onun kirayənişin yaşadığı Xətai prospektindəki mənzilindən isə 3 kiloqram 200 qram qurudulmuş marixuana götürülüb.

Qeyd edək ki, Nizami Həsənov əvvəllər məhkumluq həyatı yaşayıb.

Faktla bağlı cinayət işi açılıb, araşdırma aparılır.

AzNews.az