Sumqayıtda maşın baryerə çırpılıb yandı- 2 ölü (Video)

Bu gün günorta saatlarında Sumqayıt şəhərinin Tağıyev qəsəbəsində iki nəfərin ölümü ilə nəticələnən yol-nəqliyyat hadisəsi baş verib.

"Qafqazinfo" xəbər verir ki, bu barədə bizimyol.info-nun əməkdaşına Bakı şəhər sakini Xəyal Məmədxanlı məlumat verib.

"Biz hadisə yerinə çatanda artıq avtomobildə yanğın baş vermişdi. Öyrəndik ki, sürücünün idarəçiliyi itirməsi nəticəsində avtomobil yolun kənarındakı baryerə çırpılıb və yanğın baş verib. Avtomobildə olan bir qadını ölümdən xilas etdik. Yanğının böyüməsi nəticəsində sonradan avtomobilə yaxınlaşmaq mümkün olmadı. Hadisə ilə bağlı aiddiyatı dövlət qurumlarına zəng edərək məlumat verdik", deyə Xəyal Məmmədxanlı bildirdi.

O, hadisəni telefonunun video yaddaşına köçürə bilib. Həmin video görüntünü təqdim edirik.



AzNews.az