“Azadlıq Radiosu”nun əməkdaşı İslam Şıxəlinin kirayə qaldığı evdə Baş Mütəşəkkil Cinayətkarlıqla Mübarizə İdarəsinin və Baş Prokurorluğun Ağır Cinayətlərə Dair İstintaq İdarəsinin əməkdaşları tərəfindən axtarış aparılıb. “Azadlıq Radiosu”nun əməkdaşı İslam Şıxəlinin kirayə qaldığı evdə Baş Mütəşəkkil Cinayətkarlıqla Mübarizə İdarəsinin və Baş Prokurorluğun Ağır Cinayətlərə Dair İstintaq İdarəsinin əməkdaşları tərəfindən axtarış aparılıb.

Daha bir jurnalistin evində axtarış aparıldı

“Azadlıq Radiosu”nun əməkdaşı İslam Şıxəlinin kirayə qaldığı evdə Baş Mütəşəkkil Cinayətkarlıqla Mübarizə İdarəsinin və Baş Prokurorluğun Ağır Cinayətlərə Dair İstintaq İdarəsinin əməkdaşları tərəfindən axtarış aparılıb.



"Qafqazinfo" xəbər verir ki, axtarış vaxtı evdə olmadığını qeyd edən jurnalist istintaq idarəsinə çağırıldığını da bildirib:

"Bu gün kirayə qaldığım evdə axtarış olub. Mən evdə olmasam da dostum Orxan "Bandotdel" və Baş Prokurorluğun Ağır Cinayətlərə Dair İstintaq İdarəsinin əməkdaşlarını yaxşı qonaqlayıb.

Amma qonaqlar evi elə hala salıblar ki, polisi təhkim etsən orada durmaz. Bu nə axtarışdır? Bu nə əməliyyatdır?

Vəkil, hüquqi nümayəndə iştirakına şərait yaradılmayıb. Dərhal telefonlar müsadirə olunub. Ümumiyyətlə evdə sənəd, kompüter, yaddaş kartı, kamera və nə varsa götürülüb. Qalan əşyaları da dağıdıb, töküblər evin ortasına. Toyda olduğum bir vaxtda bu xəbər mənə çatdı. Çox məyus oldum. Bazar ertəsi istintaq idarəsinə çağırılmışam".