“Sendi“ qasırğası qurbanlarının sayı 13 nəfərə çatdı

ABŞ-ın şərq sahillərini vurmuş "Sendi" qasırğasının qurbanlarının sayı ən azı 13 nəfərə çatıb. Bu barədə Trend ABŞ mətbuatına istinadən məlumat verib.

Güclü külək və yağış nəticəsində 3 milyondan artıq insan elektriksiz qalıb. ABŞ Milli Qasırğa xəbərdarlığı mərkəzinin məlumatına görə, qasırğa sahili gözlənildiyindən zəif vurub.

Eyni zamanda məlumatlara əsasən, Nyu-Yorkun Manhetten və Kvins rayonlarında metropoliten tunelləri su ilə dolub. Lakin artıq suyun səviyyəsi enməkdədir. Bir sıra sosial şəbəkələrdə qasırğanın Nyu-Yorka özü ilə köpək balıqlarını gətirdiyi yazılıb və müvafiq şəkillər əlavə olunub.

AzNews.az