"Neftçi"dən super transfer - "Real Betis”in keçmiş oyunçusu komandada

Çilili hücumameyilli yarımmüdafiəçi "Neftçi"yə transfer olunub.

AzNews.az klubun mətbuat xidmətinə istinadən xəbər verir ki, "Neftçi” PFK transfer işlərini davam etdirir.

Çilili hücumameyilli yarımmüdafiəçi İqnasio Herrera ilə 1 il müddətinə müqavilə bağlanıb. Sonuncu komandası Qazaxıstanın "İrtış” klubu olmuş 29 yaşlı futbolçu indiyədək Çilinin "Reyncers”, "Huaçipato”, "Maqalyanes”, "Kobreloa”, "Deportes İkike” və İspaniyanın "Real Betis” B klublarında çıxış edib.