Formula 1 Azərbaycan Qran Prisində daha bir ilk - 2 dördqat Dünya çempionu startda yan-yana (Foto)

Ferrari pilotu Sebastyan Fettel sıralanma turunu mükəmməl nəticə ilə bitirdi.

AzNews.az xəbər verir ki, hamıdan sürətli olduğunu sübut edən Fetteli startda Mercedes pilotları Luis Hamilton və Valtteri Bottas izləyəcək.

Bununla da Formula 1 tarixində 2 dördqat Dünya çempionu startda yan-yana dayanacaqlar.

Kvalifikasiya turundan sonra mətbuat konfransında Fettel bildirib ki,bizi sabah gərgin yarış gözləyir:

"Sabah hər şey ola bilər, hətta təhlükəsizlik avtomobilini də trekdə görə biləcəyik. Nəticədən çox razı qaldım. Bu gün mənim bolidim çox sürətli idi."

Qeyd edək ki, bazar günü keçiriləcək final saat 16:10-da başlayacaq.