Rusiya Azərbaycana ət məhsulları göndərəcək

Rusiyanın heyvandarlıq müəssisələri Azərbaycan bazarına çıxmaq istəyir.


AzNews.az xəbər verir ki, bu haqda məlumatı "RİA Novosti" agentliyi yayıb.

Məlumata görə, Rusiyanın "Rosselxoznadzor" şirkəti Azərbaycan bazarına çıxmaq üçün azərbaycanlı həmkarlarına müvafiq sorğu göndərməyi planlaşdırır.

Bu faktı şirkətin mətbuat xidmətinin rəhbəri Yuliya Melano təsdiq edib:
"Rusiya ətlə yanaşı Azərbaycana süd məhsulları da göndərəcək".

Qeyd edək ki, rəsmi Moskva Yeni Zelandiyadan süd idxalına qoyulan qadağının müəyyən hissəsini götürmək niyyətindədir.