Şadlıq sarayları üçün standart hazırlanır

"Yaxın zamanlarda şadlıq evlərinə qoyulan tələblər sərtləşdiriləcək". Bunu Standartlaşdırma Metrologiya və Patent Üzrə Dövlət Komitəsinin ərzaq şöbəsinin müdiri AzNews.az-a açıqlamasında Məhsin Babayev deyib.

Şöbəsinin müdirinin sözlərinə görə, şadlıq evlərinin sahibləri 250-350 nəfər üçün nəzərdə tutulan zallarda 500-600 nəfər, 6 nəfər üçün nəzərdə tutulan yerlərdə isə 12 nəfər otuzdururlar. Bu da istehlakçıların aldadılması deməkdir.

Yeni standartların hazırlanması zamanı hətta stolların ətrafında qoyulan stulların sayına qədər ən kiçik detallar belə nəzərə alınacaq. Bununla yanaşı komitə ilin sonuna kimi mebel üzrə standartlarının qəbulunu da nəzərdə tutur".

Elnarə Əliosmanqızı
AzNews.az