İnternet ləğv olunacaq - “Google” şirkətinin rəhbəri

Texnoloji nəhənglərdən sayılan “Google” şirkətinin rəhbəri və dünyanın ən varlı sahibkarlarından biri Erik Şmidt internetin hazırkı formada saylı günlərinin qaldığını deyib.

AZNEWS.AZ AzərTAc-a istinadən xəbər verir ki, bu sözləri "Google" şirkətinin rəhbəri jurnalistlərin suallarını cavablandırarkən bildirib.

Erik Şmidt deyib: "İnternet ləğv olunacaq. İP-ünvanı, qurğu və müxtəlif qəbuledicilər, üzərinizə taxılmış, təmasda olduğunuz əşyalar o qədər çoxalacaq ki, siz bunu hiss edə bilməyəcəksiniz. O, daim ətrafınızda olacaq".

Həmçinin internetin gələcəyini smartfonlar və onların proqramlarının dəyişdirəcəyini deyən E.Şmidt bu sahədə bazarın tamamilə açıq olduğunu vurğulayıb.

Müsahibəsində başqa mövzulara, əsasən Koreya Xalq Demokratik Respublikasına səfərinə toxunan sahibkar orada internetə çıxışın yetərincə olduğunu, lakin "Rouminq"in işləmədiyini və şəbəkədən istifadənin "sərt nəzarətdə" saxlandığını da bildirib.