Bu gün “Məhkumlar” efirdədir

Bu gün Qafqaz Point Otelində ATV telekanalının sifarişi ilə çəkilən "Məhkumlar" serialının təqdimat mərasimi keçiriləcək. Serialda cəmiyyətdə baş verən sosial problemlər: ailədaxili zorakılıq,erkən nikahlar,yaxın qohum nikahları, valideyn – övlad münasibətləri kimi ciddi sosial problemlər öz ekran həllini tapıb.

Qeyd edək ki, teleserialın internet portalı da artıq (www.mahkumlar.az) fəaliyyətə başlayıb. Teleserialda çəkilən aktyorlar arasında əməkdar artistlər Bakı Bələdiyyə Teatrının aktyorları, əməkdar artist Firəngiz Babayeva (Zərrintac), Aydın Əliyev (Fikrət), Sərvər Şahbəyli (Bəhram) kimi aktyorlar var.

Onu da bildirək ki, serial bu gün saat 19:30 da ATV telekanalının efirində olacaq. "Məhkumlar" adlanan teleserialın rejissoru və baş produseri Yaşar Əhmədov, ssenari müəllifi isə Vüsal Nurudur.

Bahar Rüstəmli
AzNews.az