ANAMA debitor və kreditorlarına müraciət edib

Bu il yanvarın 15-də ANAMA ləğv edilib

Ərazilərin Minalardan Təmizlənməsi üzrə Milli Agentlik (ANAMA) ləğv olunması ilə əlaqədar debitor və kreditorlarına müraciət edib.

AzNews.az xəbər verir ki, müraciətdə 1 ay müddətində tələblərin bildirilməsi xahiş olunur.

Müddət başa çatdıqdan sonra agentliyə daxil olan müraciətlərə baxılmayacaq.

Xatırladaq ki, bu il yanvarın 15-də ANAMA ləğv edilərək onun əsasında Minatəmizləmə Agentliyi yaradılıb, köhnə qurumun hüquq və öhdəlikləri, habelə əmlakı yeni quruma keçib.