Prezidentin sözçüsü Putinə göndərilən məktuba aydınlıq gətirdi

Türkiyə Rusiyaya məxsus Su-24 təyyarəsinin vurulması ilə əlaqədar yalnız təəssüfləndiyini bildirib.

AzNews.az xəbər verir ki, bu barədə Trend-ə Türkiyə Prezident Administrasiyasından bildiriblər.

Administrasiyadan deyiblər ki, bununla əlaqədar RF Prezidenti Vladimir Putinə ünvanlanan məktubda Türkiyə Prezidenti Rəcəb Tayyib Ərdoğan Su-24 təyyarəsinin həlak olmuş pilotunun ailəsinə başsağlığı verib və hadisədən təəssüfləndiyini bildirib.

Qeyd olunub ki, Türkiyə Rusiya ilə münasibətlərin normallaşmasının lehinədir: "Ankara Moskva ilə münasibətlərin normallaşdırılması üçün heç vaxt diplomatik kanalları bağlamayıb. Türkiyə və Rusiya arasında münasibətlərin yaxşılaşması regionda böhranın həllinə müsbət təsir göstərəcək".