Azərbaycan,Türkiyə və Qazaxıstan birgə hərbi təlim keçirəcək

Yaxın vaxtlarda Türkiyədə Azərbaycan, Türkiyə və Qazaxıstan Silahlı Qüvvələrinin birgə təlimi keçiriləcək.

Bu barədə APA-ya hərbi mənbələrdən məlumat verilib.

Təlimlər üç ölkənin Silahlı Qüvvələrinin xüsusi təyinatlı qruplarının iştirakı ilə baş tutacaq.

Hazırda təlimin tarixi və texniki məsələlər dəqiqləşdirilir.

Qeyd edək ki, bu ilin iyul ayında Azərbaycanda Azərbaycan və Türkiyə Silahlı Qüvvələrinin motoatıcı bölmələrinin iştirakı ilə taktiki təlimlər keçirilib.


AzNews.az