Rusiyanın atom sualtı qayığında yanğın- FOTO

Bu gün səhər saatlarında Rusiyanın Çinlə sərhəddindəki Primorye bölgəsinin Bolşoy Kamen yaşayış məskənlərinin yaxınlığında yerləşən Sakit okean donanmasına məxsus nüvə reaktoru ilə işləyən "Tomsk" sualtı qayığında yanğın baş verib.

Rusiya FHN hadisə ilə bağlı məlumat yayaraq, gəminin "Zvezda" tərsanəsinə təmir üçün gətirildiyini, yanğının təhlükəsizlik tədbirləri görülmədən qaynaq işləri aparıldığı zaman baş verdiyini bildirib.

Nazirlik əhaliyə müraciət edərək, hadisəyə görə təvşişə düşməməyi, yanğının artıq nəzarətə alındığını və nüvə reaktorlarının fəaliyyətinin əvvəlcədən dayandırıldığını bildirib.

Sakit oken donanması məlumat yayaraq, sualtı qayıq təmirə verilməmişdən əvvəl bütün döyüş sursatlarının və nüvə reaktorunun əvvəlcədən sökldüyünü, buna görə də yanğının böyük fəlakətə səbəb olmayacağını bildirib.(anspress)

AzNews.az