Erməni deputat rus sərhədçiləri təxribata çəkib

Ermənistanda deputat Zarui Postancyanla rusiyalı sərhədçilər arsında insident baş verib. Nəticədə iki ölkə arasında qalmaqal yaranıb. Rusiya Sərhəd Qoşunlarının məlumatına görə, deputat Postancyan bir qrup şəxslə birlikdə Sünikdə (keşmiş Meqri) İranla Ermənistan arasındakı sərhəddin yaxınlığında olub. Həmin ərazi Rusiya sərhədçiləri tərəfindən qorunur. Deputat ərazidə olduğu zaman sərhədçilər cinayətdə şübhəli bilinən şəxsin axtarışı ilə məşğul olub. Buna görə də yolda 20 saata yaxın nəqliyyatın hərəkəti dayandırılıb.
Sənədlərin yoxlanması zamanı Postancyan sərhədçiləri təhqir edərək onlardan açıqlama tələb edib. Mübahisə getdikcə böyüyüb və yüksək rütbəlilərin müdaxiləsinə yol açıb.
İnsidentlə əlaqədar Rusiya Sərhəd Xidməti deputatı qanunlara əməl etməyə çağıraraq bunun bütün vətəndaşlar üçün vacib olduğunu vurğulayıb.
Elnur
AzNews.az