Rusiyada azərbaycanlılar qəzaya uğradı- 4 ölü, 6 yaralı (Video)

Rusiyanın Stavropol vilayətində "Reno" markalı mikroavtobus qarşı hərəkət zolağına çıxıb və "Mercedes" markalı avtobusla toqquşub.

Qəzaya ilkin səbəb, mikroavtobusun sürücüsünün sükan arxasında yatdığı bildirilir. Mikroavtobusdakıların hamısı Azərbaycan vətəndaşları olublar.

Avtobusda yarışa gedən uşaq futbol komandasının 35 üzvü və onların məşqçisi olub. Rusiya FHN-in ,yaydığı məlumatda 4 nəfərin öldüyü bildirilir. Həlak olanlar arasında uşaqların məşqçisi, mikroavtobusun sürücüsü və iki sərnişini var. Daha altı nəfər isə xəsarət alıb.(musavat.com)