Xüsusi təyinatlıların keçmiş döyüşçüsü Rusiyada həbs olundu- 23 il

Rusiyanın Perm vilayətində Eldəniz Məmmədov və Azər Əkbərov adlı azərbaycanlılar şəhərin baş arxitektoru, erməni əsilli Olqa Karapetyanın ölümündə ittiham edilib.


Məhkəmənin qərarı ilə E.Məmmədov 15, A.Əkbərov isə 23 il azadlıqdan məhrum olunub.

AzNews.az Rusiya mətbuatına istinadən xəbər verir ki, arxitektorun ölümündə təqsirli bilinənlərdən A.Əkbərovun 27, Eldəniz Məmmədovun isə 46 yaşı var. Onlar adı açıqlanmayan şəxsin sifarişini yerinə yetiriblər.

E.Məmmədova müraciət edən şəxs ona arxitektoru öldürmək üçün külli miqdarda pul təklif edib. E.Məmmədov isə bu işə xüsusi təyinatlıların keçmiş döyüşçüsü olan A.Əkbərovu da cəlb edib.


Elnarə
AzNews.az