Putindən döyüş hazırlığı - Əmri

Rusiya Prezidenti, Ali Baş Komandan Vladimir Putin çərşənbə günü Müdafiə Nazirliyinə Qərbi və Mərkəzi Hərbi dairələrin qoşun və qüvvələrinin, eləcə də bəzi qoşun növlərinin döyüş hazırlığının qəfil kompleks yoxlanışını aparmağı tapşırıb.

Trend-in verdiyi məlumata görə, bu barədə RF müdafiə naziri, ordu generalı Sergey Şoyqu bildirib.

S.Şoyqu Müdafiə Nazirliyinin iclasında deyib: "Rusiya Federasiyası Prezidentinin sərəncamına uyğun olaraq, bu gün saat 14:00-da Qərbi Hərbi Dairənin qoşunları, eləcə də onun tərkibindəki birləşmə və hərbi hissələr, Mərkəzi Hərbi Dairənin ikinci ordusu, Hava-Kosmik Müdafiə komandanlığı, Hava-desant qoşunları, Uzaq və Hərbi-nəqliyyat aviasiyası həyəcan siqnalı ilə ayağa qaldırılıb".

Onun sözlərinə görə, V.Putin ölkənin hərbi təhlükəsizliyi üçün təhdid yaradan, eləcə də antiterror, sanitar-epidemioloji və texnogen xarakterli vəziyyətlərin həlli zamanı qoşunların döyüş qabiliyyətinin yoxlanılmasını tapşırıb.

Yoxlama fevralın 26-dan martın 3-dək iki mərhələdə həyata keçiriləcək.

AzNews.az