Xarkovda terror – Şəhər meri güllələndi

Ukraynanın ikinci ən iri şəhəri olan Xarkovun merinə qarşı sui-qəsd hadisəsi törədilib. AzNews.az-ın Ukrayna mediasına istinadən verdiyi məlumata görə, bu gün yerli vaxtla saat 12.00 radələrində Xarkovun meri Qennadiy Kernesə atəş açılıb. Hadisə nəticəsində Q. Kernes bel nahiyəsindən yaralanıb.

Xarkov şəhər Şurasının mətbuat xidmətindən bildirilib ki, hazırda mer xəstəxanadadır: "Mer bel nahiyəsindən güllə yarası alıb. Hazırda şəhər xəstəxanalarının birində reanimasiya şöbəsinə yerləşdirilib. Onun üzərində cərrahi əməliyyat aparılır. Həkimlər onu həyata qaytarmaq üçün çalışırlar".

AzNews.az