Ermənistanın Gümrü şəhərində etiraz aksiyası keçirilir

Ermənistanın Gümrü şəhərinin mərkəzi bazarında çalışan yüzlərlə şəxs ticarəti dayandıraraq etiraz aksiyasına başlayıb.

APA-nın "news.am" saytına istinadən verdiyi məlumata görə, yeni qəbul olunan vergi haqqında qanuna etiraz edən insanlar şəhərin mərkəzi küçəsini kəsiblər və Şirak vilayətinin vergi müfəttişliyinin rəisi ilə görüş tələb ediblər.

Vilayət qubernatorunun müavini onları dilə tutmağa çalışsa da, buna nail ola bilməyib. Ticarətçilər vergi rəisindən öz suallarına cavab almayacaqları təqdirdə bir neçə gün alveri dayandırmağa hazır olduqlarını bəyan ediblər.