Putin “Yeni SSRİ”-ni AB təcrübəsi əsasında qurmaq istəyir – AÇIQLAMA

"Avrasiya İqtisadi İttifaqı partnyorları ilə əlaqələr qurarkən Rusiya Avropa Birliyinin təcrübəsindən istifadə edəcək".

Bunu Rusiya Federasiya Şurasının sədri Valentina Matviyenko deyib. O bildirib ki, Avropanın təcrübəsi problemlər olsa da, maraqlıdır.

Valentina Matviyenkonun sözlərinə görə Avrasiya İqtisadi İttifaqı böyük və ya kiçik qardaş prinsipi ilə qərarlar qəbul etməyəcək. "Bütün məsələlər razılıq əsasında qəbul ediləcək".
Federasiya Şurasının sədri onu da qeyd edib ki, Avrasiya Birliyi Sovet İttifaqının bərpası demək deyil. " Rusiyada yeni vahid dövlət yaradılması ideyaları yoxdur. Yeni vahid dövlətin yaradılması məqsədəuyğun deyil",-deyə o qeyd edib.(Modern.az)