Artilleriya atəşi nəticəsində 13 hərbçi yaralandı

Noyabrın 7-də Ukraynanın şərqində atəş nəticəsində 13 hərbçi yaralanıb.

APA-nın UNİAN agentliyinə istinadən verdiyi xəbərə görə, bu barədə Ukrayna Antiterror Əməliyyatları qərargahının informasiya şöbəsinin rəhbəri Vladislav Seleznyov bildirib.

Onun sözlərinə görə, separatçılar gün ərzində müxtəlif artilleriya sistemləri və "Qrad" qurğularından 25 dəfə atəşkəsi pozublar: "Ən mürəkkəb vəziyyət Baxmutka və Debaltsevo" yaşayış məntəqələrində müşahidə edilir".