Sərnişin avtobusu aşdı - 18 yaralı

Moskva-Mahaçqala reysi ilə hərəkət edən avtobusun aşması nəticəsində 18 nəfər yaralanıb.

APA-nın "İnterfaks"a istinadən verdiyi məlumata görə, hadisə Volqoqrad vilayətində baş verib.

Qəza baş verən an avtobusda 27 sərnişin olub.

İlkin məlumatlara görə, hadisəyə səbəb "Neoplan" markalı avtobusun sürücüsünün idarəetməni itirməsi olub.