Sarkisyan iranlı həmkarına telefon açdı

Ermənistan prezidenti Serj Sarkisyan iranlı həmkarı Mahmud Əhmədinejeta telefon açıb. AzNews.az-ın bu ölkə mətbuatına istinadən verdiyi xəbərə görə, Sarkisyan İrəvanda keçirilən Birgə İqtisadi Əməkdaşlıq Komissiyasının iclasının yüksək səviyyədə təşkil edildiyi bildirib və əlavə edib ki, iki ölkə arasında tarixi münasibətlərin inkişaf etdirilməsi vacibdir.

Bundan əlavə, Sarkisyan İran şirkətlərinin Ermənistan iqtisadiyyatının qaldırılmasında böyük xidmətləri olduğunu deyib. Əhmədinejat isə, iqtisadi münasibətlərin daha da genişləndiriləcəyini vurğulayıb və bildirib ki, onun ölkəsi Ermənistanda həyata keçirilən iqtisadi layihələrdə iştirak edəcək.

Sadiq Musa
AzNews.az