• Rusiya
  • 19 Yanvar 2019 01:47
  •  573

"Ukrayna tankları Rusiya yanacağı ilə işləyir" - Lukaşenko

"Belarusdan Ukrayna bazarına ixrac xeyli azalıb".

Ukrayna öz tanklarına Belarus yanacağını tökmək istəmir. Onlar Rusiya yanacağına üstünlük verirlər.

Bunu Belarus prezidenti Aleksandr Lukaşenko bəyan edib.

“Son zamanlar bizə irad tuturlar ki, Ukrayna tanklarına dizel yanacağı veririk. Orada hansı yanacağın olduğunu araşdırmağı tapşırdım. Mənə məruzə etdilər ki, orada bütövlükdə Rusiya istehsalı olan yanacaqdır”, - deyə o vurğulayıb.

Lukaşenko qeyd edib ki, Belarusdan Ukrayna bazarına ixrac xeyli azalıb:

“Bizi sadəcə Ukrayna bazarından sıxışdırıb çıxarırlar və söhbət təkcə neft məhsullarından getmir. Rəqabət gedir”. (oxu.az)

AzNews.az