İŞİD-in Moskva yaxınlığında qruplaşması aşkarlandı

Qruplaşmaya xarici emissarlar rəhbərlik ediblər.

Rusiyanın Federal Təhlükəsizlik Xidməti paytaxt regionunda İŞİD terror təşkilatının gizli qruplaşmasını aşkar edib.

Bu barədə TASS Federal Təhlükəsizlik Xidmətinin İctimaiyyətlə Əlaqələr Mərkəzinə istinadən xəbər verib.

Qeyd edilir ki, Federal Təhlükəsizlik Xidməti Rusiya Daxili İşlər Nazirliyi, Rusiya Qvardiyası və ölkənin İstintaq komitəsi ilə birgə beynəlxalq terror təşkilatının gizli qruplaşmasının Moskva ətrafında qeyri-qanuni fəaliyyətinin qarşısını alıb.

Federal Təhlükəsizlik Xidmətinin məlumatına görə, qruplaşmaya xarici emissarlar rəhbərlik ediblər. Onun tərkibində Rusiya, həmçinin ümumdünya "İslam xilafəti"nin yaradılması üçün bütün müsəlmanların zorla birləşdirilməsinin tərəfdarı olan Mərkəzi-Asiya regionu vətəndaşları, habelə Zaqafqaziya ölkələrindən gələnlər fəaliyyət göstəriblər.

AzNews.az