• Rusiya
  • 31 İyul 14:45
  •  5 381

Ərdoğanla Putin arasında telefon danışığı olub

Kreml məlumat yayıb

Rusiya Federasiyasının Prezidenti Vladimir Putin və Türkiyə Respublikasının Prezidenti Rəcəb Tayyib Ərdoğan arasında telefon danışığı baş tutub.

AzNews.az xəbər verir ki, bu barədə Kremlin mətbuat xidməti məlumat yayıb.

Prezidentlər Türkiyədə baş verən meşə yanğınları barədə vəziyyəti müzakirə ediblər.

“Telefon danışığı zamanı bu təbii fəlakətlə mübarizədə iki ölkə arasında əməkdaşlığın vacibliyi vurğulanıb. Vladimir Putin yanğınların söndürülməsi üçün Türkiyəyə hərtərəfli yardım göstərməkdə davam edəcəyini bildirib”, - mətbuat xidmətinin məlumatında deyilir.

Türkiyə Prezidenti göstərilən dəstəyə görə minnətdarlığını bildirib.