Rusiyanın Kiyevə PUA hücumu nəticəsində 11 nəfər həlak olub, 135 yaralı var

Rusiyanın Ukraynanın paytaxtı Kiyevə hava zərbələri nəticəsində yaralananların sayı 135 nəfərə çatıb, onların arasında 12 azyaşlının olduğu açıqlanıb.

Aznews.az Ukrayna mediasına istinadən xəbər verir ki, hazırda 30 nəfərin xəstəxanalarda müalicəsi davam edir.

Həmin zərərçəkənlərdən 5-i uşaqdır.

97 nəfər isə ambulator müalicə üçün evə buraxılıb.

Rusiyanın Ukraynanın paytaxtı Kiyevə hava zərbələri nəticəsində ölənlərin sayı 11 nəfərə çatıb.

Bu barədə “Telegram”-da paylaşımında Kiyev şəhərinin meri Vitali Kliçko bildirib.

Ölənlərin 1-i uşaqdır.

AzNews.az