Rusiya: Çuqiyevdə Ukrayna dəniz piyadaları ciddi itkilər verib

Rusiya təhlükəsizlik strukturlarının nümayəndələrinin iddiasına görə, Ukraynanın Xarkov vilayətinin Çuqiyev şəhərində yerləşən hərbi obyektlərə endirilən zərbələr nəticəsində Ukrayna Silahlı Qüvvələrinin dəniz piyadaları ciddi itkilər veriblər.

İtkilərin yerləşmə məntəqəsinə zərbələrdən sonra baş verdiyi bildirilir

TASS agentliyinin yaydığı məlumata görə, Çuqiyev sakinləri şəhərdə yerləşən hərbi qüvvələrin dislokasiya məntəqələrinə qarşı həyata keçirilən kompleks hücumların nəticələrini təsdiqləyirlər.

Mənbənin sözlərinə görə, Ukrayna Silahlı Qüvvələrinin 39-cu Dəniz Piyada Briqadasının şəxsi heyəti yerləşdirildiyi “Big House” hotelinə endirilən zərbələrdən sonra əhəmiyyətli itkilərə məruz qalıb.

Rusiya Müdafiə Nazirliyi yeni əməliyyat barədə də məlumat yayıb

Rusiya Müdafiə Nazirliyi həmin gün yaydığı açıqlamada bildirib ki, “Mərkəz” qoşun qruplaşmasının 74-cü əlahiddə motoatıcı briqadasına məxsus T-80BVM tankının ekipajı Dobropolye istiqamətində Ukrayna ordusunun dayaq məntəqəsini və pilotsuz uçuş aparatlarının idarəetmə məntəqəsini məhv edib.

Qeyd edək ki, müharibə şəraitində tərəflərin yaydığı məlumatları operativ şəkildə müstəqil mənbələr vasitəsilə təsdiqləmək hər zaman mümkün olmur.

Mövsüm,

AzNews.az