Lavrov BMT-nin baş katibinə namizəd Espinosa ilə görüşüb — Rusiya XİN

Rusiyanın xarici işlər naziri Sergey Lavrov BMT-nin baş katibi vəzifəsinə namizəd Maria Espinosa ilə görüş keçirib.

Bu barədə Rusiya Xarici İşlər Nazirliyi məlumat yayıb.

Məlumata görə, görüş zamanı Espinosa seçki platformasını təqdim edib və BMT-yə dair baxışlarını bölüşüb.

Nazirlik bildirib ki, Lavrov görüşdə Rusiyanın BMT-nin baş katibi vəzifəsinə namizədlərlə bağlı irəli sürdüyü tələbləri və gözləntiləri izah edib.

Tərəflər həmçinin BMT-nin qlobal məsələlərin həllində əsas əlaqələndirici rolunun qorunmasının vacibliyini vurğulayıblar.

Görüş zamanı beynəlxalq gündəmdəki aktual məsələlər və çoxtərəfli əməkdaşlığın perspektivləri də müzakirə olunub.

Mövsüm,

AzNews.az