Azərbaycanlı müğənniyə ABŞ-dan təklif gəldi

Azərbaycanlı müğənni Cahangir Qurbanova Amerikadan təklif gəlib. O, ABŞ-lı bəstəkar Kolosun təklifi ilə dünya şöhrətli sənətkar Müslüm Maqomayevə həsr olunmuş mahnı oxuyacaq. Bu barədə AzNews.az-a müğənninin özü məlumat verib.

Qeyd edək ki, C.Qurbanovun repertuarında sözləri E.Qrişinin, musiqisi Eldar Həsənova aid Müslüm Maqomayevə həsr olunan "İthaf" kompozisiyası yer alıb. Elə amerkalı bəstəkarın diqqətini çəkən də məhz azərbaycanlı müğənninin bu ifası olub. C.Qurbanovun sözlərinə görə, B.Kolos Müslüm Maqomayevin pərəstişkarı olub:

"Bəstəkar bizim Müslüm Maqomayevə həsr edilmiş klipimizi görüb. Bundan sonra Eldar müəllimlə əlaqə yaradıb və ondan Müslüm Maqomayevə mahnı bəstələməsini xahiş edib. Bəstəkar deyib ki, mən yazaram, amma bu sizinki kimi alınmayacaq."

Hazırda həmin mahnı üzərində iş gedir. Amerika bəstəkarının təklifi ilə ərsəyə gələcək mahnı yaxın vaxtlarda C.Qurbanovun ifasında təqdim ediləcək.

Bahar Rüstəmli
AzNews.az