Mədət Quliyev Rusiya prezidentinin MDB ölkələrinin təhlükəsizlik orqanlarının rəhbərləri ilə görüşündə - Video

Bu gün Moskvada Rusiya Prezidenti Vladimir Putin MDB ölkələri təhlükəsizlik orqanları və kəşfiyyat xidmətlərinin rəhbərlərinin XIV iclasının nümayəndə heyətlərinin rəhbərləri ilə görüş keçirib.

AzNews.az Report-a istinadən xəbər verir ki, görüşdə Azərbaycan Dövlət Təhlükəsizlik Xidmətinin (DTX) rəisi, general-leytenant Mədət Quliyev də iştirak edib.

Görüş zamanı V.Putin beynəlxalq terrorizmlə səmərəli mübarizə üçün MDB ölkələrinin xüsusi xidmət orqanlarının fəaliyyətindəki koordinasiyanın təkmilləşdirilməsinin əhəmiyyətini vurğulayıb. Onun sözlərinə görə, daimi qarşılıqlı, dəqiq, əməkdaşlıq, əməliyyat və analitik məlumatların vaxtında mübadiləsi MDB məkanında mövcud problemlərin öhdəsindən uğurla gəlməyə imkan verəcək.