Dövlət komitəsinin sədri Cocuq Mərcanlıda

Prezident İlham Əliyevin xüsusi diqqəti sayəsində Cəbrayıl rayonunun işğaldan azad edilmiş Cocuq Mərcanlı kəndinin qısa müddətdə bərpa olunmasını ölkə ictimaiyyəti Qarabağa Böyük Qayıdışın başlanğıcıdır. Kəndin yaxınlığındakı Lələtəpə yüksəkliyində Azərbaycan bayrağı torpaqlarımızın müdafiəsi uğrunda canından keçən şəhidlərimizin, qəhrəman əsgər, gizir və zabitlərimizin şücaəti nəticəsində dalğalanır. Cocuq Mərcanlının vətənpərvər sakinləri ordumuzun keşiyində mətanətlə dayandığı bu torpaqlarda yaşamaq, oxumaq və işləməklə öz yurd-yuvasını tərk etmiş məcburi köçkünlərin doğma Qarabağa qayıtmağa daim hazır olduqlarını göstərirlər.

AzNews.az xəbər verir ki, bütün bunlar barədə Qaçqınların və Məcburi Köçkünlərin İşləri üzrə Dövlət Komitəsinin sədrinin Cocuq Mərcanlı kəndində yerli sakinlərlə keçirdiyi görüşdə danışılıb.

Dövlət komitəsinin sədri uzun illər respublikanın müxtəlif yerlərində məcburi köçkün həyatı yaşadıqdan sonra kəndə köçmüş ailələrin məişəti, güzəranı, iş və əmək şəraiti ilə yaxından tanış olub, arzu və istəklərini öyrənib, müraciətlərini dinləyib.

Sakinlər Cocuq Mərcanlı kəndində görülən işlərə və yaradılan şəraitə eyni zamanda onlara göstərilən böyük diqqət və qayğıya görə prezident İlham Əliyevə və birinci vitse prezident Mehriban Əliyevaya dərin minnətdarlıqlarını bildiriblər.