Razi Nurullayev seçkilərdən imtina etdi

Azərbaycan Xalq Cəbhəsi Partiyasının Etimad Qurultaynın təşkilat komitəsinin sədri Razi Nurullayev bu il noyabrın 1-də keçiriləcək parlament seçkilərində iştirakdan imtina edib.

Bu barədə AzNews.az-a onun özü məlumat verib.

R.Nurullayev seçkilərdə iştirak etməməsinin səbəblərini açıqlayıb: "Bu il Parlament seçkilərinə qatılmaqdan imtina edirəm. Bir neçə əsaslı səbəbim var. Siyasətçilərin seçkidə iştirakının tərəfdarıyam. Siyasətçi seçkidə iştirak etmirsə, siyasi səhnədə qalmağının anlamı itir. Seçkilərdə boykot yolverilməzdir. Yalnız o zaman məqbuldur ki, boykot qərarı rejimlərin getməsinə faydalı olsun".

Razi Nurullayev Azərbaycanda seçki mühitinin olmadığını və seçkinin saxtalaşdırılacağını bildirib.

Bahar RÜSTƏMLİ
AzNews.az