XİN-də vacib təyinat - Arif Məmmədovun yerinə Akşin Mehdiyev

Xarici İşlər Nazirliyi tərəfindən İslam Əməkdaşlıq Təşkilatının Avropa İttifaqı yanında Daimi müşahidəçisi vakant vəzifəsinə Xüsusi Tapşırıqlar üzrə Səfir Akşin Mehdiyevin namizədliyi irəli sürülüb.

Xarici İşlər Nazirliyinin Mətbuat xidmətindən AzNews.az-a daxil olan məlumata görə, ötən gün İslam Əməkdaşlıq Təşkilatının Ümumi Katibliyindən Xarici İşlər Nazirliyinə daxil olmuş notada İƏT-in Baş katibi tərəfindən səfir Akşin Mehdiyevin İƏT-in Avropa İttifaqı yanında Daimi müşahidəçisi vəzifəsinə qəbul edilməsi təsdiq edilərək, onun vəzifə səlahiyyətlərinin icrasına 1 dekabr 2015-ci il tarixindən etibarən başlayacağı bildirilib.

Səfir Akşin Mehdiyev 2001-2006-cı illərdə Azərbaycan Respublikasının Avropa Şurası, 2006-2014-cü illərdə isə BMT yanında Daimi Nümayəndəsi olub.

Qeyd edək ki, A.Məmmədov bu ilin iyun ayında tutduğu vəzifədən azad edilib. Onun adı may ayının 19-da Binəqədi rayonunda çoxmərtəbəli binanın baş verməsi zamanı "Facebook"da xoşagəlməz statuslar yazması məsələsində hallanırdı.