• Toplum
  • 22 Aprel 2019 12:20
  •  705

“Ağıllı sərhəd” layihəsinin tətbiqinə başlanılacağı tarix açıqlandı

"Hazırda sözügedən infrastrukturun təkmilləşdirilməsi işləri gedir"

“Azərbaycanda “Ağıllı sərhəd” layihəsinin tətbiqinə iyunun 1-dən başlanılması gözlənilir”.

Bu barədə Dövlət Gömrük Komitəsinin sədr müavini İqbal Babayev məlumat verib.

Onun sözlərinə görə, sözügedən layihə böyükdür və bir neçə komponentləri var: “Məqsəd - sərnişinlərin sürətli keçidini təmin etməkdir”.

İ.Babayev vurğulayıb ki, bu, elektron növbə sistemi əsasında həyata keçiriləcək: “Belə ki, hava limanında tətbiq edilən keçidlərin hamısı quru sərhəddə də olacaq”.

O, “Ağıllı sərhəd” layihəsinin həm ödənişli, həm də ödənişsiz ola biləcəyini qeyd edib: “Bu işlər üçün quru sərhədlərimizdə bütün infrastruktur yaradılıb. Hazırda sözügedən infrastrukturun təkmilləşdirilməsi işləri gedir. Sərhəddə hazırda avtomobil 4-5 dəqiqəyə keçilirdisə, elektron sistemdə dayanmadan keçid təmin ediləcək. Əvvəlcədən həm mobil telefon, həm də kompüter vasitəsilə bizim saytımızın üzərindən nömrə götürələcək”.(report.az)

AzNews.az