Bakıda yayılan kəskin qoxu ilə bağlı - Açıqlama

ETSN-nin mütəxəssisləri tərəfindən araşdırma aparılıb

Ekologiya və Təbii Sərvətlər Nazirliyi Bakıda yayılan kəskin qoxuyla bağlı açıqlama yayıb.

ETSN-dən AzNews.az-a verilən məlumata görə, Bakı şəhərinin Nərimanov və Binəqədi rayonlarında ətrafa kəskin iy-qoxunun yayılması ilə bağlı ETSN-nin mütəxəssisləri tərəfindən araşdırma aparılıb.

İy-qoxunun son günlər müşahidə edilən yüksək temperaturun və durğun hava şəraitinin üstünlük təşkil etməsi səbəbindən kanalizasiya sularının axıdılığı Böyük Şor gölündən yayıldığı ehtimal edilir.

Bunu Milli Hidrometeorologiya Xidmətinin rəis müavini Vasif Əliyev bildirib.

O qeyd edib ki, mütəxəssislərimiz tərəfindən sözügedən ərazidə monitorinq keçirilib, atmosfer havasından nümunələr götürülüb. Sabah bu barədə daha dəqiq məlumat veriləcək.