• Toplum
  • 6 İyun 2023 14:07
  •  6 171

Deputat: “Utilizasiya prosesinə yük maşınları və avtobuslar da əlavə edilməlidir”

Utilizasiya prosesinə minik avtomobili ilə yanaşı yük maşınları və avtobuslar da əlavə edilməlidir.

Bu təkliflə Milli Məclisin deputatı İltizam Yusifov parlamentin iyunun 6-da keçirilən növbədənkənar sessiyasının ilk plenar iclasında çıxış edib.

O bildirib ki, avtobusların utilizasiyası minik avtomobillərinə nisbətən daha təhlükəsiz və ətraf mühitə zərərsiz icra oluna bilər:

“Çünki avtomobillərin utilizasiyası bahalı prosesdir. Üstəlik avtobusla sərnişin daşınır və bu da insan həyatı deməkdir. Bu səbəbdən qanuna minik avtomobilləri ilə yanaşı yük maşını və avtobuslar da əlavə edilsin”.