Venesuela son 28 ildə ən az neft ixrac edib

Venesuela iqtisadi böhran şəraitində hasilatın azalması səbəbindən ötən il son 28 ildə ən az neft ixracını həyata keçirib.

"Bloomberg" xəbər verir ki, 2018-ci ildə Venesuela gündə yalnız 1,245 milyon barrel neft ixrac edə bilib.

OPEC-in məlumatına görə, Venesuelada son beş ildə neft hasilatı iki dəfədən çox azalaraq 1,346 milyon barel/gün təşkil edib.

Qeyd edək ki, neft ixracı Venesuela büdcəsinin əsas gəlir mənbəyidir. Başqa sözlə, ixracatdakı azalma ölkədəki böhranı daha da gücləndirir.(report.az)

© AzNews.az