Avropa Birliyi koronavirusa qarşı 15 milyard avro ayırır

Maliyyə yardımında məqsəd bütün dünyada koronavirusa son qoyulmasına nail olmaqdır

Avropa Birliyi (AB) koronavirusla mübarizə məqsədilə tərəfdaşlarına 15 milyard avro maliyyə yardımı edəcək.

AzNews.az “RİA Novosti”yə istinadən xəbər verir ki, bu barədə Avropa Komissiyasının rəhbəri Ursula fon Der Lyayen bildirib. Onun sözlərinə görə, maliyyə yardımında məqsəd bütün dünyada koronavirusa son qoyulmasına nail olmaqdır.

Vəsait ölkələrin səhiyyəsinə dəstəyə və böhrandan sonra iqtisadiyyatın bərpasına xərclənəcək.