Keçmiş baş nazir və xanımına hökm oxundu

Məlumatı “İzvestiya” yayıb

Paris məhkəməsi Fransanın keçmiş baş naziri Fransua Fiyon 3 ili şərti olmaqla 5 il müddətinə azadlıqdan məhrum edib.

Fransa hökumətinin keçmiş başçısı həyat yoldaşı Penelop Fiyonu saxta yolla işə düzəltməklə bağlı cinayət işi üzrə mühakimə olunub. Xanım Fiyon da cinayətdə iştirak etdiyi üçün 3 il müddətinə şərti olaraq azadlıqdan məhrum edilib.

F.Fiyon və onun yaxın ətrafı barədə qalmaqal 2017-ci ilin yazında prezident seçkisi kampaniyası zamanı gündəmə gəlib. Penelop Fiyon 8 il ərzində qanunsuz yolla deputat köməkçisi maaşını almaqda təqsirli bilinib.

Qeyd edək ki, Fransua Fiyon 2007-ci il mayın 17-dən 2012-ci il mayın 10-dək, Nikolya Sarkozi prezidentliyi dövründə baş nazir olub. (Report)

AzNews.az