Yaponiyada qadın ərinin meyitini 15 il dondurucuda gizlədib

Yaponiyanın Kobe şəhərində polis 50 yaşlı Aki Moçidzukini keçmiş əri Yutaka Nisiquçini öldürməkdə və onun meyitini 15 il gizlətməkdə şübhəli bilinərək saxlayıb.

Məlumata görə, qadın 2011-ci ilin dekabrında törədilən qətli etiraf edib. Nisiquçinin öldüyü vaxt 42 yaşı olub.

“Dəhşətli bir əməl törətmişəm və buna heç bir bəraət yoxdur”, – deyə saxlanılan qadın bildirib.

İstintaqın məlumatına əsasən, kişinin meyiti hissələrə ayrılıb və hər hissə ayrı paketlərdə saxlanılıb. Moçidzuki ilə Nisiquçi 2011-ci ilin dekabrında boşansalar da, boşanma proseduru hüquqi baxımdan kişinin ehtimal olunan ölümündən təxminən bir il sonra tamamlanıb.

Polis qalıqları iyunun 20-də mənzildən gələn xoşagəlməz qoxu barədə idarəedici şirkətin müraciətindən sonra aşkarlayıb. Qadın həmin mənzili 2002-ci ildən kirayələsə də, faktiki olaraq başqa ünvanda yaşayırmış. Meyitin saxlanıldığı dondurucunun yerləşdiyi mənzildə yoxlama zamanı elektrik enerjisi kəsilmiş vəziyyətdə olub.

Mövsüm,

AzNews.az