Görüşdə regiondakı hərbi-siyasi vəziyyət müzakirə edilib Görüşdə regiondakı hərbi-siyasi vəziyyət müzakirə edilib
  • Tribuna
  • 6 Noyabr 2019 16:55
  •  3 811

Zakir Həsənov Xorvatiyanın yeni səfiri ilə görüşdü

Görüşdə regiondakı hərbi-siyasi vəziyyət müzakirə edilib

Noyabrın 6-da Azərbaycan Respublikasının Müdafiə naziri general-polkovnik Zakir Həsənov Xorvatiya Respublikasının ölkəmizdə yeni təyin olunmuş fövqəladə və səlahiyyətli səfiri Branko Zebiç ilə görüşüb.

Müdafiə Nazirliyindən verilən məlumata görə. Müdafiə naziri səfiri ölkəmizdə diplomatik fəaliyyətə başlaması münasibətilə təbrik edib və ona bir çox istiqamətlərdə olduğu kimi, hərbi sahədə də əməkdaşlığın genişləndirilməsində uğurlar arzulayıb.

Ölkələrimiz arasında mühüm strateji əməkdaşlığın, dost və mehriban münasibətlərin mövcudluğunu qeyd edən diplomat Xorvatiyanın Azərbaycanın suverenliyini, ərazi bütövlüyünü daim dəstəklədiyini vurğulayıb.

Görüşdə Azərbaycan ilə Xorvatiya arasında hərbi, hərbi təhsil və hərbi-texniki sahələrdə əməkdaşlığın daha da genişləndirilməsi, regiondakı hərbi-siyasi vəziyyət müzakirə edilib.

AzNews.az