Suyun altında şahmat oynadılar - Əgər başını çölə çıxardarsansa... + Video

Böyük Britaniyanın paytaxtı Londonda Sualtı Şahmat üzrə Dünya Çempionatı baş tutub.

AzNews.az xarici mətbuata istinadən xəbər verir ki, qeyri-adi müsabiqədə iştirakçılar oyunda gediş etmək üçün suyun altına dalmalı olublar. Bundan başqa, yarışın çətin məqamlarından biri odur ki, şahmatçılar gediş etmək üçün suyun altında fikirləşməlidirlər. Əgər nəfəsin yetməz və başını çölə çıxardarsansa, gediş etmə növbəsi rəqibə keçir.

“Şahmatın idman növü olub-olmadığı bu oyun yaranandan etibarən insanlar arasında mübahisə mövzusuna çevrilib. Düşündüm ki, bu mübahisəli məsələyə son qoymaq üçün, həqiqətən də, idman növu ola biləcək şahmat növü yarada bilərik. Beləliklə sualtı şahmat yarandı. İndi artıq bu oyunu oynamaq üçün təkcə beyin gücü deyil, fiziki güc də sərf etmək lazımdır” – deyə çempionatın idea müəllifi Etan İlfeld qeyd edib.

Bəxtiyar Abbasov

AzNews.az