- Qərb
- 22 Oktyabr 22:57
“Biz Türkiyə ilə vuruşa hazırlaşmırıq” - Pentaqon rəhbəri
"Türkiyə NATO üzrə uzunmüddətli partnyordur"
Pentaqon rəhbəri Mark Esper Türkiyə ilə hərbi münaqişəni istisna edib.
Bu barədə CNN xəbər verir.
"Türkiyə NATO üzrə uzunmüddətli partnyordur. Biz Türkiyə ilə vuruşa hazırlaşmırıq", - deyə o, CNN telekanalına müsahibəsində bildirib.
Qeyd edək ki, bundan əvvəl də ABŞ-ın müdafiə naziri bildirib ki, NATO Yaxın Şərqdəki müttəfiqi Türkiyəyə qarşı müharibəyə başlamaq niyyətində deyil.
"Yaxın Şərqdə NATO üzrə çoxdankı müttəfiqimizə – bizimlə birlikdə Koreyadan Əfqanıstana qədər vuruşmuş Türkiyəyə qarşı müharibəyə başlaya bilmərik. Bizim üçün bu məsələ gündəlikdə deyil", - Pentaqon başçısı deyib.
Daha əvvəl ABŞ-ın dövlət katibi Maykl Pompeo bildirib ki, Tramp ehtiyac olduğu halda Türkiyəyə qarşı hərbi hərəkətlərə hazırdır, amma Vaşinqton "dünyada sülh"ə üstünlük verir.
Qeyd edək ki, Türkiyə oktyabrın 9-da Suriyada PKK/YPG terrorçularına qarşı "Barış pınarı" antiterror əməliyyatına başlayıb.(report.az)
AzNews.az
