İspaniya NATO-nun hərbi xərclərinin büdcənin 5%-ə qədər artırılmasına qarşıdır

İspaniya ÜDM-in 5%-i həcmində müdafiə xərcləri hədəfinin tətbiqinə qarşı çıxan yeganə NATO ölkəsi olaraq qalır.

Bu barədə ABC-nin verdiyi məlumatda qeyd edilib.

"Pedro Sançes (İspaniyanın baş naziri - red.) hökuməti hazırda NATO-da hərbi xərclərin faiz artımının təsdiqlənməsi məsələsində konsensusa mane olur. Hazırda buna qarşı çıxan yeganə ölkə İspaniyadır", - nəşr yazır.

Üstəlik, Sançes mövqeyini dəyişməsə, NATO-nun Haaqa sammitində bu təşəbbüsü fəal şəkildə irəli sürən ABŞ prezidenti Donald Trampla birbaşa münaqişəyə girə bilər.

Mövsüm

Aznews.az