Kallas: Rusiyanın aktivləri məsələsində konsensus yoxdur

Avropa İttifaqı (Aİ) ölkələri Rusiyanın dondurulmuş aktivləri əsasında Ukraynaya kreditin verilməsi ilə bağlı konsensusa gələ bilməyib.

Aİ xarici işlər naziri Kaja Kallas bu barədə Aİ liderlərinin Kopenhagendə keçirilən qeyri-rəsmi sammitindən əvvəl məlumat verib.

"Mümkün qədər tez hərəkət etmək üçün təzminat krediti üzərində işləyirik, lakin təbii ki, Aİ-yə üzv olan dövlətlərin hamısı buna hazır deyil. Hələ hamı bunu dəstəkləmir, ona görə də hələ görüləcək çox iş var", - Kallas deyib.

Aİ-nin baş diplomatı Kiyevə kreditin verilməsinin dəqiq müddətini açıqlamayıb.

Mövsüm,

AzNews.az