Bakı forumu mühüm beynəlxalq platforma kimi tarixə düşdü - AÇIQLAMA

WUF13 Azərbaycanın beynəlxalq siyasətdə artan rolunun və Prezident İlham Əliyevin çoxtərəfli əməkdaşlığa verdiyi əhəmiyyətin növbəti təsdiqi oldu. Forum çərçivəsində ilk dəfə keçirilən Liderlər Sammiti şəhərsalma məsələlərinin artıq qlobal siyasi gündəlikdə mühüm yer tutduğunu nümayiş etdirdi.

Bu fikirləri “İki sahil”ə açıqlamasında “XXI Əsrin Qadınları” İctimai Birliyinin sədri Mahirə Əmirhüseynova bildirib.

Onun sözlərinə görə, Bakı müxtəlif ölkələri, beynəlxalq təşkilatları və vətəndaş cəmiyyəti institutlarını bir araya gətirən mühüm dialoq platforması kimi çıxış etdi. Xüsusilə Azərbaycan QHT-lərinin forum boyunca çoxsaylı panel və tədbirlərdə fəal iştirakı ölkəmizdə vətəndaş cəmiyyətinin inkişaf səviyyəsini göstərdi.

Mahirə Əmirhüseynova qeyd edib ki, bu forum yalnız urbanizasiya məsələlərinin deyil, həm də qlobal həmrəyliyin müzakirə olunduğu mühüm beynəlxalq platforma kimi tarixə düşdü.

AzNews.az